خواطر حب
خواطر حب
الاشتياق
في اول الكلام احب اقول ان الاشتياق هو كل حاجه حلوة في الحياه
فمثلا ازاي اعرف انا مشتاق سواء لشخص او لمكان او لموقف ببساطه هو احساس منفرد بكل حاله
الشخص
لما يكون عندي اكتئاب بدون سبب ولمجرد التفكير في شخص احبه يذهب الاكتئاب ويتغير الموود من سئ الي افضل حال ويتغير الاحساس من البكاءللفرح وللمرح وللبسمه لاعلي الوجهالمكان
المكان ده ليه طعم تاني اللي ديما برتاح وبطمن وبحس بالامان فيه
ريحته.....تفاصيله......اساسه كل ده اشتياق لمجرد انك تبعد شويه عنه تسافر مثلا
لمجرد اني اشم ريحه المكان في مكان تاني بضحك وبحس بشتياق
الموقف
موقف زمان ..صحبه زمان..ضحكت زمان ..الصوت العالي بتاع زمان ..الاهل واللمه الحلوه..والجد والجده..اللي راحو وراحت ايامهم....
اسعد اللحظات والزكريات كلها بتبقي في مواقف بنرجع نفتكرها كل ده بيتسمي اشتياق (حنين)
الحبيب لحبيبته
الاشتياق مش مجرد كلمه اوحد بيقولها لحد فمثلا ممكن اقول لحد وحشتني
لكن بتبقي مختلفه لو فعلا هو واحشني نظرته ليا مسكت ايده بحنيت صوته ولهفته عليا لما بيوحشني
الاب لبنته
الاب هو اعظم كلمه تقوي ضهر البنت واشتياق الاب دا مختلف عن احساس تاني فيه الماضي الحلو والخوف من الدنيا
لانه بيكون مصدر القوه للبنت ومصدر سعاده الاب
بيكون حب ممزوج بخوف و شده ممزوجه بعطف وتوجيه باصرار ومشاركه في الاختيار.
في نهايه كلامي احب اقولكم
الاشتياق مش مجرد كلمه الاشتياق فعل
وحب وضحكه من القلب وحنين وود ونظره عين بتتكلم
حضن ينسيك الدنيا واللي فيها
الاشتياق نظره عين بتلمع وتضيئ وترسم البهجه علي وجهك مش شرط ازاي وليه او امتا!!!!
انا مشتاق اذن قلبي لم يمت وقد عرف معني الحب.
بقلــــم
أضف تعليق