انواع البنات

انواع البنات 

في البدايه 

اعرفكم على نفسى لانى هكون ضيفه معاكم دائم قولوا ان شاء الله :)

انا الكاتبة :- نهى الظايط

عايزة ابتدى كلامي معاكم عن صفات البنات وانواعها طبعا كله هيستغرب !!!!!

هو فى انواع او صفات للبنات ؟؟

هرد عليه اقوله طبعا ولازم كل راجل يعرفهم كويس عشان يعرف ويفهم يتعامل معاهم ازاى وكل بنت لازم تشوف نفسها هى اي......

نبتدى ب اول نوع  

1- الرومانسية

ودى بقي اطيب نوع من انواع البنات اللى ممكن ب وردة  وكلمة حلوه وخروجة حلوه تكسب قلبها واقل حاجه عاطفية بتفرحها .

2- العصبيه (الهبله)

ودى ممكن تخسر كل اللى حواليها من عصبيتها وتلاقي دايما عصبيتها دى على اتفه الاسباب واقل حاجه بس بتكون فعلا طيبة جدااااا .

3- الحنينة 

ودى بقي ست الكل وست الناس اللى تتشال على الراس وبتبقي اكتر واحدة بتتعب في حياتها علشان الحنيه الزيادة .

(شمعه تحترق من اجل الاخرين)

4- الجدعة 

يعني الصحبه الجدعة الزوجة الجدعة الام الجدعة الست الجدعة دى بقي ممكن تقلب الدنيا وتقعدها علشانك وميهمهاش العواقب هى ربنا خلقها كدة جدعة .

5- النكدية 

ودى بقي مش صفة او انطباع لالا ده اسلوب حياة يا بختك بيها :) 

6- الدلوعة 

ودى بقي الواثقه فى نفسها وشكلها وصفاتها وكلامها وكل تعاملتها .

7- الذكية 

ودى بقي كل حاجه بتعملها بحساب وبتفكر كتير سواء بالفعل او الكلام ودى قليل اوى لما تتعب في حياتها لانها بتحسبها كويس اوووى مش شرط صح او غلط بس بتحسبها .

وفى الاخر ...........

عايزة اقول ان البنات مش نوع البنات قلب وحب ومشاعر وكل واحده ليها مفتاح وممكن بنت واحده تكون فيها اكتر من صفه وده فى معظم البنات اصل الموضوع مش قاعده مسلم بيها 

لكل  قاعدة شواذ .

بس اللى اقدر اقوله ان كل نوع من البنات دول ممكن تبقي ملكة وممكن تبقي جارية وده بيتوقف على حاجه واحده بس وهى اللى الكل اجمع عليها وهى (الراجل) .

متستغربوش اه هو فعلا الراجل هو اللى يقدر يغير مووود البنت فى اى لحظه 

هو اللى فى ايده مفاتيح الست وممكن يحولها من حال الى حال افضل بكتير 

ومن بنت عصبيه ونكدية ورخمه الى ارق واحن واطيب مخلوق فى الدنيا وكلنا اجمعنا ان القلب هو اللى بيتحكم فينا احنا (النساء) قلوبنا هى مفتحنا ومفتاح سعادتنا فى ايد الراجل .

نصيحة ....

خالى بالك ايها الراجل من المفتاح لو ضاع مش هتعرف تفتح الباب تانى فحافظ على المفتاح وخليه دايما فى ايدك وقلبك انت الكسبااااااان

بقلم

نــــهــي الظــــــايـــط